काठमाडौं । देशको अग्रणी वित्तीय संस्था कुमारी बैंक लिमिटेडले आफ्नो २४औं वार्षिकोत्सव विभिन्न कार्यक्रम गरि मनाएको छ। यस अवसरमा बैंकले आफ्ना ग्राहक, शुभचिन्तक तथा साझेदारहरूप्रति आभार व्यक्त गर्दै आफ्नो यात्रामा उनीहरूको विश्वास र सहयोग नै प्रमुख आधार रहेको बताएको छ ।

यस अवसरमाबैंकका प्रमुख कार्यकारी अधिकारीले भने, "हाम्रो उद्देश्य केवल बैंकिङ्ग नभई समाजमा सकारात्मक परिवर्तन ल्याउनु पनि हो। यसैले हामी सांस्कृतिक संरक्षण, स्वास्थ्य र सामाजिक उत्तरदायित्वका कार्यक्रमहरूमा सक्रिय छौं।"

वार्षिकोत्सवमा बैंकले देशभर विभिन्न स्थानहरूमा रक्तदान अभियान आयोजना गरेको थियो । यस मार्फत स्थानीय रक्त बैंकहरूको आवश्यकता पूर्ति गर्ने र जीवनरक्षाको महत्त्वपूर्ण पहलमा योगदान दिने लक्ष्य राखिएको बैंकले जनाएको छ ।

विगत २४ वर्षदेखि निरन्तर सेवा प्रवाह गरिरहेको बैंकले हाल देशभर ३०२ ओटा शाखा, ३१६ एटिएम, ५० एक्सटेन्सन काउन्टर र ५४ शाखा रहित बैंकिङ्ग इकाईहरू मार्फत अत्याधुनिक तथा सुलभ बैंकिङ्ग सेवा दिँदै आएको छ। बैंकले आगामी दिनहरूमा पनि डिजिटल प्लेटफर्म, सहज सेवा प्रवाह र ग्राहकमुखी नीतिहरूबीच सहकार्य बढाउने प्रतिबद्धता दोहोराएको छ।