काठमाडौं । महिला लघुवित्त वित्तीय संस्था लिमिटेडले ८६ हजार ३२५ कित्ता संस्थापक शेयर आज (कात्तिक २७ गते)बाट विक्रीमा ल्याएको छ ।
कम्पनीले मंसिर ३ गतेसम्म आवेदन दिन सकिने गरी यी शेयर विक्रीमा ल्याएको हो । यी शेयर खरीदका लागि विद्यमान संस्थापक शेयरधनीहरूसँगै अन्य व्यक्ति तथा संस्थाहरूले आवेदन दिन सक्नेछन् ।
प्रतिकित्ता २०० रुपैयाँ मूल्य तोकेर विक्रीमा ल्याएको यी शेयर खरीदका लागि तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्नेछ । तोकिएको अवधिभित्र प्राप्त बोलपत्र मंसिर ४ गते अपराह्न ३ बजे खोलिने कार्यक्रम समेत तय भइसकेको छ ।
