काठमाडौं । मुक्तिनाथ विकास बैंकले नवलपुरमा विद्यार्थीलाई विद्यालय पोशाक वितरण गरेको छ । बैंकले बुलिङटारस्थित रम्भादेवी आधारभूत विद्यालयमा नर्सरीदेखि कक्षा ५ सम्ममा अध्ययनरत ७६ जना विद्यार्थीलाई विद्यालय पोशाक वितरण गरेको हो । 

सामाजिक उत्तरदायित्वअन्तर्गत बैंकले उक्त कार्यक्रम गरिएको बैंकले आइतवार (आज) जारी गरेको प्रेस विज्ञप्तिमा उल्लेख छ । 

उक्त हस्तान्तरण कार्यक्रममा बैंकका कर्मचारी, विद्यालयका शिक्षक तथा पदाधिकारी, विद्यार्थीको उपस्थिति रहेको थियो । यस कार्यक्रमबाट विद्यार्थीलाई शिक्षा लिन प्रोत्साहन दिने बैंकले विश्वास लिएको छ ।