काठमाडौं। सामसङ नेपालले पहिलो पटक आफ्नो नयाँ ग्यालेक्सी ए५६ फाइभजी स्मार्टफोनको प्रि–अर्डर घोषणा गरेको छ । शुक्रवारदेखि शुरू भएको प्रि–अर्डर सोमवार वा मौज्दात रहुन्जेलसम्म रहने बताइएको छ । ग्यालेक्सी ए५६ फाइभजीले पहिलो पटक एआई अनुभव ल्याएको बताइएको छ । ‘वन यूआई सेभेन’द्वारा सञ्चालित यस डिभाइसले सहज र शक्तिशाली एआई टुलहरू प्रदान गर्ने कम्पनीले जानकारी दिएको छ ।

साथै यसको उच्चस्तरीय क्यामेरा प्रविधि, टिकाउपन र उन्नत सुरक्षा विशेषताले प्रयोगकर्तालाई सुरक्षित, भरपर्दो र रमाइलो मोबाइल अनुभव सुनिश्चित गर्ने बताइएको छ । सामसङ नेपालका निर्देशक प्रणयरत्न स्थापितले ग्यालेक्सी ए शृंखलामा सामेल भएको यो फोनले प्रयोगकर्तालाई सुरक्षित र भरपर्दो अनुभवका साथ रचनात्मकतामा नयाँ सम्भावना खुला गरेको बताए । रू. २ हजार तिरेर ए५६ फाइभजी प्रि–अर्डर गर्न सकिने यो फोनको मूल्य रू. ६५ हजार ९९९ र ७० हजार ९९९ तोकिएको बताइएको छ । साथै पुरानो फोन साटेर नयाँ ग्यालेक्सी ए५६ फाइभजी मा अपग्रेड गर्ने सुविधा पनि उपलब्ध रहेको बताइएको छ ।