काठमाडौं । हुन्डाईका नेपाली अधिकृत वितरक लक्ष्मी इन्टरकन्टिनेन्टल प्रा. लि.ले नयाँ वर्ष २०८२ को अवसरमा देशव्यापी रूपमा “यो नयाँ वर्ष, आफ्नो भविष्य हुन्डाई सँग चयन गर्नुहोस्” अभियान शुरू गर्ने जनाएको छ । यो योजना २०२५ को अप्रिल ३ देखि सञ्चालन हुनेछ । अभियान अन्तरगत आकर्षक नगद छुट, उपहार र अन्य सेवाहरूको साथ ग्राहकहरूलाई नयाँ स्तरको उत्साह दिने कम्पनीको भनाइ छ ।

अभियानअन्तर्गत ग्राहकहरूले रु. ६ लाख सम्म नगद छुट, एक वर्ष निःशुल्क बीमा, चालु आर्थिक वर्षको निःशुल्क सडक कर, स्वामित्व स्थानान्तरण, तत्काल मूल्याङ्कन र विनिमय सेवा जस्ता सुविधाहरू पाउनेछन् । हुन्डाई नेपालले हालै ल्याएको “च्वाइज योर फ्युचर” थिममा आधारित इलेक्ट्रिक भेहिकल (इभि) हुन्डाई क्रेटा इभि र नेपालमै निर्मित पेट्रोलियम इन्जिन (आइसीइ) क्रेटा पनि यस योजनाअन्तर्गत उपलब्ध हुने कम्पनीको भनाइ छ ।

हुन्डाईका पेट्रोलियम इन्जिन भेहिकलहरूमा तीन वर्षे वारेन्टी र छ वर्ष निःशुल्क सेवा दिइनेछ भने इलेक्ट्रिक भेहिकलको हाइभोल्टेज ब्याट्रीमा आठ वर्षे वारेन्टी र अन्य पार्टपुर्जाहरूमा दुई वर्षे वारेन्टी प्रदान गरिनेछ। यसले ब्याकव्याक, कम्प्याक्ट एसयूभी, एसयूभी र इलेक्ट्रिक भेहिकल समेटिएको हुन्डाईकै विविध मोडलहरूका ग्राहकले फाइदा लिन सक्नेछन्।