सदरमुकामस्थित नेपाल खाद्य संस्थानको डिपोमा १० महीनादेखि २ सय ३० क्वीण्टल सडेका चामल थन्किएका छन् । गत वैशाखमै स्थानीय प्रशासन र गुणस्तर नियन्त्रण इकाइले गुणस्तरहीन भएको ठहर गरी विक्रीवितरणमा रोक लगाएको चामल न फिर्ता पठाइएको छ, न त नष्ट नै गरिएको छ । खाद्य संस्थान प्रधान कार्यालयले सडेको चामल तत्काल अञ्चल कार्यालय नेपालगञ्ज फिर्ता गर्न दिएको निर्देशन पनि कार्यान्वयन भएको छैन । चामल सडेपछि गोदाम नै दुर्गन्धित भएको कार्यालयका खरिदार रामप्रसाद पौडेलले बताए ।
गतवर्ष अञ्चल कार्यालयका कर्मचारी र ठेकेदारको मिलोमतोमा वार्षिक कोटाको सडेको २ सय ३० क्वीण्टल चामल जाजरकोट पुर्याइएको थियो । उपभोक्ताको विरोधपछि वर्षअघि प्याक गरिएको चामल विक्रीमा रोक लगाइएको स्थानीय बताउँछन् ।
वर्ष ८, अंक १५२, सोमवार, ७ फागुन, २०६९
