काठमाडौं। नेपाल सुपर लिग (एनएसएल) सिजन ३ को अवसरमा एनसेलले आफ्ना ग्राहकहरूका लागि दुई विशेष अफर सार्वजनिक गरिएको जनाएको छ । यस अन्तर्गत "डबल डेटा अफर" र "एनएसएल फ्ल्यास सेल" अफर लागू गरिएको हो। यी अफरहरू आज बिहीबार (चैत्र २१) देखि वैशाख १६ सम्म मान्य हुने एनसेलले एक विज्ञप्ति मार्फत जनाएको छ ।

यस्ता छन् अफर
डबल डेटा अफर : सधैँ अन रिन्युअल प्याकमा दोब्बर डेटा
एनसेलको "डबल डेटा अफर" अन्तर्गत रु. ३९९ (करसहित) बाट शुरू हुने सबै सधैँ अन रिन्युअल प्याकहरूमा ग्राहकहरूले दोब्बर डेटा पाउनेछन् । उदाहरणका लागि, रु. ७९९ को मासिक प्याक लिनेले ३० जीबी डेटा, अनलिमिटेड कल, ७९ एसएमएस साथै थप ३० जीबी बोनस डेटा प्राप्त गर्नेछन् । यो बोनस डेटा पहिले प्रयोग हुने र बाँकी सेवाहरू अर्को महिनामा क्यारीओभर हुने व्यवस्था छ।

यो अफर हालै सधैँ अन प्याक प्रयोग गरिरहेका ग्राहक र नयाँ लिनेहरू दुवैका लागि लागू हुनेछ। एनसेलले यसमा ६ वटा रिन्युअल प्याक उपलब्ध गराएको छ, जसमा निःशुल्क अनलिमिटेड यूट्यूब डेटा र राति ११ बजेदेखि बिहान ७ बजेसम्म अनलिमिटेड इन्टरनेट (नाइट डेटा) समावेश छ। साथै, रु. ७९९, ९९९ र १,४९९ को प्याक लिनेले ३० दिनसम्म प्रतिदिन रु. १,००० को दरले अधिकतम रु. १०,००० सम्मको अस्पताल भर्ना बीमा पनि पाउनेछन्।

एनएसएल फ्ल्यास सेल : एपमा मात्र उपलब्ध
दोस्रो अफर "एनएसएल फ्ल्यास सेल" एनसेल एपमा मात्र उपलब्ध हुनेछ । यसअन्तर्गत रु. ५० को प्याक : २४ घण्टाका लागि ५० एमबी अनलिमिटेड डेटा + २० मिनेट एनसेल-एनसेल कल र रु. १५० को प्याक : ७ दिनका लागि ७ जीबी डेटा + थप २ जीबी बोनस पाइने छ ।

नेपाली फुटबललाई व्यावसायिक मंच दिँदै आएको एनसेल यसपटक पनि एनएसएलको टाइटल स्पोन्सर रहेको छ । कम्पनीले "हामी तपाईंकै लागि" भन्ने थिम अनुरूप देशमा खेलकुद विकासमा योगदान पुर्‍याउने र खेलाडीहरूलाई अवसर दिने प्रतिबद्धता जनाएको छ।

यी अफरहरूले ग्राहकहरूलाई सस्तो र गुणस्तरीय सेवा दिँदै एनएसएलको रोमाञ्चकतामा थप योगदान पुग्ने एनसेलको विश्वास छ।