काठमाडौं । नेपाल स्टक एक्सचेन्ज (नेप्से)मा सूचीकृत ५० लघुवित्त कम्पनीहरूमध्ये हालसम्म १२ कम्पनीले आर्थिक वर्ष २०८०/८१ सम्मको मुनाफाबाट लाभांश घोषणा गरेका छन् । 

छिमेक लघुवित्त, नेशनल लघुवित्त, आशा लघुवित्त, गुराँस लघुवित्त, स्वाबलम्बन लघुवित्त, जीवन विकास लघुवित्त, सपोर्ट लघुवित्त, साना किसान विकास लघुवित्त, फरवार्ड लघुवित्त, आरएसडिसी लघुवित्त, फष्र्ट माइक्रो फाइनान्स र सूर्योदय वोमी लघुवित्त वित्तीय संस्थाले लाभांश वितरण गर्ने घोषणा गरेका हुन् । 

हालसम्म ५ लघुवित्त कम्पनीले भने गत आर्थिक वर्ष (आव)को मुनाफाबाट कुनै पनि लाभांश वितरण नगर्ने निर्णय गरेका छन् । उन्नति सहकार्य लघुवित्त, युनिक नेपाल लघुवित्त, निर्धन उत्थान लघुवित्त, हिमालयन लघुवित्त र विन नेपाल लघुवित्त वित्तीय संस्थाले लाभांश वितरण नगर्ने निर्णय गरेका हुन् । 

लाभांश घोषणा गरेका कम्पनीहरूमध्ये आशा लघुवित्त, गुराँस लघुवित्त र स्वावलम्बन लघुवित्तले साधारण सभाबाट लाभांश पारित गराइसकेका छन् । 

त्यस्तै नेशनल लघुवित्त, सपोर्ट लघुवित्त, फरवार्ड लघुवित्त र फर्स्ट माइक्रोफाइनान्सले प्रस्तावित लाभांश पारित गर्न साधारण सभा बोलाएका छन् भने नेशनल, सपोर्ट र फरवार्ड लघुवित्तले बुक क्लोज गरिसकेका छन् । 

फर्स्ट माइक्रोफाइनान्सले गत आवको मुनाफाबाट ९ प्रतिशत बोनस शेयर र कर प्रयोजनको लागि शून्य दशमलव ४७ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले पुस ११ मा साधारण सभा बोलाएको छ । 

नेशनल लघुवित्तले गत आवको मुनाफाबाट १४ दशमलव २५ प्रतशत बोनस शेयर र शून्य दशमलव ७५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो । यो प्रस्ताव पारितका लागि कम्पनीले मंसिर २४ गते साधारण सभा बोलाएको छ । 

त्यस्तै, सपोर्ट लघुवित्तले १३ दशमलव ७८ प्रतिशत बोनस शेयर र कर प्रयोजनको लागि शून्य दशमलव ७३ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले पुस ६ गते साधारण सभा बोलाएको छ । 

त्यसैगरी, फरवार्ड माइक्रोफाइनान्स लघुवित्तले गत आवको मुनाफाबाट शेयरधनीलाई १३ दशमलव ३ प्रतिशत बोनस शेयर र कर प्रयोजनको लागि शून्य दशमलव ३ प्रतिशत नगद लाभांश प्रस्ताव गरेको छ । यो प्रस्ताव पारितका लागि कम्पनीले मंसिर २८ गते साधारण सभा बोलाएको छ । 

नेशनल लघुवित्तले गत आवको मुनाफाबाट १४ दशमलव २५ प्रतिशत बोनस शेयर र कर प्रयोजनको लागि शून्य दशमलव ७५ प्रतिशत नगद लाभांश, जीवन विकास लघुवित्तले १४ प्रतिशत बोनस शेयर र शून्य दशमलव ७४ प्रतिशत नगद लाभांश, साना किसान विकास लघुवित्तले १३ दशमलव ३ प्रतिशत बोनस शेयर र शून्य दशमलव ७ प्रतिशत नगद लाभांश र आरएसडिसी लघुवित्तले ९ दशमलव ५ प्रतिशत बोनस शेयर र शून्य दशमलव ५ प्रतिशत नगद लाभांश वितरण गर्ने प्रस्ताव गरेका छन् । 

त्यस्तै सूर्योदय वोमी लघुवित्तले ६ प्रतिशत बोनस शेयर र १ प्रतिशत नगद लाभांश र छिमेक लघुवित्तले ८ प्रतिशत बोनस शेयर र ७ प्रतिशत नगद लाभांश (करसहित) वितरण गर्ने प्रस्ताव गरेको छ । 

कुन कम्पनीको लाभांश कति ?

कम्पनीको नाम	२०८०/८१ को लाभांश %		कुल लाभांश %
	बोनस शेयर	नगद लाभाश
छिमेक लघुवित्त	8	7	15
नेशनल लघुवित्त वित्तीय संस्था	14.25	0.75	15
आशा लघुवित्त	14.25	0.75	15
गुराँस लघुवित्त	14.25	0.75	15
स्वाबलम्बन लघुवित्त	14.25	0.75	15
जीवन विकास लघुवित्त	14	0.74	14.74
सपोर्ट लघुवित्त	13.78	0.73	14.51
साना किसान विकास लघुवित्त	13.3	0.7	14
फरवार्ड लघुवित्त	13.3	0.3	13.6
आरएसडिसी लघुवित्त	9.5	0.5	10
फस्र्ट माइक्रो फाइनान्स	9	0.47	9.47
सूर्योदय वोमी लघुवित्त	6	1	7