काठमाडौं। डिजिटल वालेट ‘आइएमई पे’ले आयल्स टेस्टको शुल्क भुक्तानी आइएमई पेमार्फत गर्न सकिने सुविधा सार्वजनिक गरेको छ । यस सुविधामार्फत प्रयोगकर्ताले आइएमई पे एपमार्फत आफ्नो आयल्स परीक्षा शुल्क सहजै भुक्तानी गरेर आफ्नोे समय र मेहनत बचाउन सक्नेछन् । 

प्रयोगकर्ताले आयल्सको एकेडेमिक टेस्ट र जेनेरल ट्रेनिङ टेस्ट, आयल्स यूकेभीआईको एकेडेमिक टेस्ट र जेनेरल ट्रेनिङ टेस्ट, लाइफ स्किल्स एवान/एटु, बीवानको लागि भुक्तानी आइएमई पे एपमार्फत गर्न सक्नेछन् । सीमित अवधिका लागि आइएमई पे एपबाट आयल्स टेस्टको शुल्क भुक्तानीमा रू. १ हजार क्यासब्याक पनि प्राप्त गर्न सकिने बताइएको छ । ‘हामी हाम्रा प्रयोगकर्तालाई यो नयाँ सेवा प्रदान गर्न पाउँदा उत्साहित छौं,’ आइएमई पेका प्रमुख कार्यकारी अधिकृत प्रवीण रेग्मीले भने, ‘आयल्स शुल्क भुक्तानीको लागि सुविधाजनक र सुरक्षित प्लेटफर्म प्रदान गरेर हामीले प्रयोगकर्तालाई आफ्नो उद्देश्य पूरा गर्न सशक्त बनाउने लक्ष्य राख्छौं ।’