काठमाडौं । नेपाल स्टक एक्सचेन्ज (नेप्से)ले आज शेयर बजार बन्द रहने जानकारी गराएको छ । नेप्सेले एक सूचना निकालेर शेयर बजार बन्द रहने जानकारी गराएको हो ।

 मन्त्रिपरिषदको आज बसेको बैठकले पूर्वसभामुख दमननाथ ढुंगानाको निधनको शोकमा सार्वजनिक बिदा दिने निर्णय गरेको छ ।

सरकारको सोही निर्णयबमोजिम आज धितोपत्रको कारोबार नहुने नेप्सेले जनाएको छ ।

सरकारले आज बिहानमात्रै सार्वजनिक बिदा दिने निर्णय गरेपछि शेयर बजारका लगानीकर्तामा बजार खुल्ने वा नखुल्ने भन्नेबारे अन्योल सिर्जना भएको थियो  ।  

सोही कारण नेप्सेले सूचना जारी गरेर आज शेयर बजार बन्द रहने जानकारी गराएको हो ।