काठमाडौं। आरम्भ चौतारी लघुवित्त वित्तीय संस्था लिमिटेडको केन्द्रीय कार्यालय स्थानान्तरण भएको छ । काभ्रेपलाञ्चोकको बनेपा नगरपालिका–१० पुलवजारमा रहेको कम्पनीको केन्द्रीय कार्यालय ७०० मिटर पश्चिम बनेपा नगरपालिका–१० स्थित अरनिको राजमार्गदेखि २०० मिटर उत्तरतर्फ स्थानान्तरण भएको हो । संस्थाले मंगलवारदेखि उक्त कार्यालयबाट सेवा प्रदान गर्न शुरू गरेको बताइएको छ । नेपाल राष्ट्र बैंकले संस्थाको केन्द्रीय कार्यालय स्थानान्तरणका लागि गत फागुन २ मा अन्तिम स्वीकृति दिएको संस्थाले जानकारी दिएको छ ।