काठमाडौं । नेपालको अग्रणी एसेसरिज ब्रान्ड अल्टिमाले आउँदै गरेको दशैंको अवसरमा आफ्ना ग्राहकलाई विभिन्न उपहार र छूट दिने भएको छ ।
उक्त अवसरमा १० करोड रुपैयाँभन्दा बढीको छूट, ३ करोड रुपैयाँ बराबरको उपहार र पाँच नयाँ उत्पादन बजारमा सार्वजनिक गर्ने कम्पनीले जारी गरेको प्रेस विज्ञप्तिमा उल्लेख छ ।
साथै कम्पनीले यही असोज ९–२२ मा चल्ने दशैं मेलामा ‘रु १ को चमत्कार’, ‘दैनिक पैसा वसुल डिल’, ‘बाई १ गेट १ फ्रि’, ‘मालामाल कम्बोहरू’, ‘साउन्डबार किन्दा इयरबड्स सित्तैमा’ र ‘घडी किन्दा इयरबड्स सित्तैमा’ अफर राखेको छ ।
‘रु १ को चमत्कार’ अफरमा कम्पनीले आफ्ना उत्पादनहरू १ रुपैयाँ किन्ने मौका दिइरहेको छ । तर, यो अफर ५ जना भाग्यशाली खरीदकर्ताहरूले मात्र पाउनेछन् ।
‘बाई १ गेट १ फ्री’ अफर भने अल्टिमा एटोम १९२ मा मात्रै लागू हुनेछ । ग्राहकहरूले रु. २ हजार ७९९ मा दुईओटा एटोम १९२ खरीद गर्न पाउनेछन् ।
यस्तै, ‘दैनिक पैसा वसुल’ अफरमा कम्पनीले ग्राहकहरूलाई ८० प्रतिशतभन्दा बढी छूटको साथ आकर्षक डिलहरू प्रदान गर्दैछ । हरेक दिन १४ डिलहरू उपलब्ध हुनेछन् ।
कम्पनीले दशैंको अवसरमा पाँच नयाँ उत्पादन ल्याउँदैछ, जसमा स्पिकर, स्मार्टवाच, साउन्ड बक्स, पावर बैंकलगायत छन् ।
