काठमाडौं। विद्युतीय सवारीसाधन (ईभी)को क्षेत्रमा नेतृत्व र विक्री कार्यसम्पादनका लागि एमएडब्लू ग्रुपले प्रतिष्ठित ‘फोटोन ग्लोबल अवार्ड २०२४’ मा दुईओटा महत्त्वपूर्ण सम्मान प्राप्त गरेको छ । अवार्ड कार्यक्रममा ग्रुपका प्रबन्ध निर्देशक विष्णुकुमार अग्रवालले ‘लिडरशिप इन न्यू इनर्जी प्रोमोसन अवार्ड २०२४’ ग्रहण गरेका हुन् । यो मान्यताले नेपालमा फोटोन ईभी दिगो ऊर्जा समाधानतर्फ राष्ट्रको अभियानमा सहयोगी भएको प्रमाणित भएको बताइएको छ ।

त्यस्तै एमएडब्लू वृद्धि कमर्शियलका प्रमुख कार्यकारी अधिकृत तुषार गुप्ताले नेपालमा ईभी भ्यानका लागि उपलब्ध गराइएको ‘एक्सेलेन्स इन सेल्स अवार्ड २०२४’ ग्रहण गरे । यस उपलब्धिले ग्रुपको विक्री सफलता र यस क्षेत्रमा ईभी बजारलाई पुन: परिभाषित गर्ने नवीन रणनीतिलाई स्पष्ट पारेको बताइएको छ ।

अवार्ड फोटोन ग्रुपका उपाध्यक्ष र फोटोन ओभरसिज बिजनेसका अध्यक्ष फू जुनले प्रदान गरेका थिए । यी अवार्डले नेपालमा ‘इनर्जी–इफिसियन्ट’ गतिशीलता अगाडि बढाउन एमएडब्लू ग्रुपको अटल समर्पणलाई पुन: पुष्टि गरेको बताइएको छ ।