काठमाडौं । नेपाल प्रिमियर लिग (एनपीएल)अन्तर्गत आजको दोस्रो खेलमा जनकपुर बोल्ड र कर्णाली याक्स प्रतिस्पर्धा गर्दैछन् । कीर्तिपुरस्थित त्रिवि अन्तरराष्ट्रिय क्रिकेट मैदानमा जारी खेलमा कर्णालीले टस जितेर पहिले ब्याटिङ गरिरहेको छ । 

जारी प्रतियोगितामा जनकपुरले दोस्रो खेल खेलिरहेको छ भने कर्णाली पहिलो खेल खेल्दैछ । आजको खेलमा जनकपुर लगातार दोस्रो जित हासिल गर्ने दाउमा छ भने कर्णाली प्रतियोगितामा विजयी शुरुआत गर्ने लक्ष्यमा छ । 

जनकपुरले यसअघि आफ्नो पहिलो खेलमा विराटनगर किंग्सलाई पराजित गरेको थियो । 

आज भएको पहिलो खेलमा भने चितवन राइनोजले काठमाडौं गुर्खाजलाई ५ विकेटले पराजित गरेको थियो ।