काठमाडौं। तार, केबल तथा कन्डक्टर उत्पादक कम्पनी लिट्मस इन्डस्ट्रिज लिमिटेडले खेलाडी तथा फिटनेस प्रशिक्षक सनम मुलगुठीसँग सहकार्य गरेको छ । सनम ‘१५औं वल्र्ड बडिबिल्डिङ एन्ड फिजिक च्याम्पियनसिप २०२४’की रजत पदक विजेता रहेको बताइएको छ ।

नेपालीलाई व्यक्तिगत विकास, सबल र उज्यालो नेपाल निर्माणमा उत्कृष्टता हासिल गर्न प्रेरित गर्ने उद्देश्यले सनमसँग सहकार्य गरिएको कम्पनीको भनाइ छ । यो सहकार्य दृढता र प्रगतिका लागि समर्पित दुई शक्तिहरूको एकता पनि हो । कम्पनीकी मार्केटिङ तथा बिजनेस डेभलप्मेन्ट निर्देशक साक्षी गुप्ताले सनमको अटल समर्पणजस्तै कम्पनीले उत्पादन गर्ने हरेक तार र केबलले भरोसा र सबलताको आधार निर्माण गरेको बताइन् । 

सहकार्यको सम्झौता पछि फिटनेस प्रशिक्षक सनमले आफ्नो उत्साह व्यक्त गर्दै लिट्मस इन्डस्ट्रिजसँग सहकार्य गर्न पाउनु आफ्ना लागि सम्मान भएको बताइन् । ‘म अझ धेरैलाई ठूलो सपना देख्न र आफ्नो क्षमतामा विश्वास गर्न प्रेरित गर्न उत्सुक छु, जसरी लिट्मस केबल्सले नेपालको विद्युतीकरण र विकासलाई ऊर्जा प्रदान गरिरहेको छ,’ उनले भनिन् ।