काठमाडौं । एनआईसी एशिया म्युचुअल फण्डअन्तर्गत सञ्चालित एनआईसी एशिया ३० ले माघ मसान्तको खुद सम्पत्ति मूल्य विवरण सार्वजनिक गरेको छ ।
उक्त वित्तीय विवरण अनुसार फण्डले माघ मसान्तसम्ममा रू. १ करोड ५४ लाख नाफा कमाएको छ । यो नाफा पुस मसान्तको तुलनामा भने ५४ दशमलव ९३ प्रतिशत कम हो । सो अवधिमा फण्डले रू. ३ करोड ४३ लाख नाफा कमाएको थियो ।
माघ महीनामा फण्डको आम्दानी घटेसँगै नाफा घटेको हो । पुस मसान्तमा फण्डको जम्मा आम्दानी रू. ४ करोड ७४ लाख रहेकोमा माघ मसान्तमा घटेर रू. ३ करोड ५ लाखमा झरेको छ ।
नाफासँगै फण्डको न्याभ पनि घटेको छ । पुस मसान्तमा फण्डको न्याभ ११ रुपैयाँ २५ पैसा रहेकोमा माघ मसान्तमा ११ रुपैयाँ १० पैसामा झरेको हो । त्यस्तै फण्डले माघ मसान्तमा सूचीकृत शेयरमा रू. ८१ करोड १४ लाख लगानी गरेको छ ।
