काठमाडौं। नेपाल एसबिआई बैंक लिमिटेडले ‘ग्लोबल मनी विक २०२५’ को अवसरमा ‘थिंक बिफोर यु फलो, वाइज मनी टुमरो’ को थिममा चैत ४ देखि १० गतेसम्म वित्तीय साक्षरता कार्यक्रम गरेको छ । सातै प्रदेशमा आयोजना गरिएको उक्त कार्यक्रमले स्कुल तथा कलेजका विद्यार्थीलाई बचतको महत्त्व, ऋण तथा लगानी, डिजिटल बैंकिङ, डिजिटल ठगीसम्बन्धी सचेतना र अन्य आधारभूत बैंकिङ तथा वित्तीय अवधारणा लगायत विभिन्न विषयमा जानकारी गराएको थियो ।

उक्त कार्यक्रम कोशी प्रदेशको धर्मदेवी, बेल्टार, धरान, लिमचुङबुङ, बर्गाछी (विराटनगर) र दमकमा गरिएको हो । त्यस्तै मधेश प्रदेशको राजगढ, लहान, चन्द्रनिगाहापुर, जनकपुर, हरिवन र सिमरा, बागमती प्रदेशको दरबारमार्ग, न्यूरोड रत्ननगर, हाकिमचोक, बट्टार, धादिङ, पाटन, बनेपा र हेटौंडामा साक्षरता कार्यक्रम गरिएको बताइएको छ ।

बैंकले गण्डकी प्रदेशअन्तर्गतका वालिङ, बागलुङ, सिसुवा र पोखरा, लुम्बिनी प्रदेशको पाल्पा, लमही, दाङ, सुनछहारी र भैरहवा पनि साक्षरता कार्यक्रम गरिएको छ । त्यस्तै कर्णाली प्रदेशको सुर्खेत, सुदूर पश्चिम प्रदेशको धनगढी, शिवनाथ, अत्तरिया, गन्यापधुरा, महेन्द्रनगर लगायतका विभिन्न स्थानमा सञ्चालित साक्षरता कार्यक्रममा १ हजार ५ सयभन्दा बढी विद्यार्थीको सहभागिता थियो ।