काठमाडौं। अलफ्ट काठमाडौं ठमेलले प्रतिष्ठित ‘म्युज होटल अवार्ड्स २०२४’ मा म्युज गोल्ड अवार्ड प्राप्त गरेको छ । इन्टरनेशनल अवार्ड एसोसिएट (आईएए)सँगको साझेदारीमा आयोजना गरिएको सिजन एकको ‘म्युज होटल अवार्ड्स २०२४’ मा होटलले आतिथ्य क्षेत्रको उत्कृष्ट कार्य गरेवापत उक्त अवार्ड पाएको बताइएको छ । यो उल्लेखनीय उपलब्धिले होटलको उत्कृष्टतासँगै यसका लागि गरिएको प्रयासको मूल्यांकन भएको बताइएको छ । ‘यो उपलब्धि पाहुनाले दर्साएको विश्वास, हाम्रो टिमको समर्पण, कडा परिश्रमबाट सम्भव भएको हो,’ होटलका महाप्रबन्धक विक्रम सिंहले भने । 

छनोटको जुरी सदस्यमा कुशल बिरारी (संयुक्त राज्य अमेरिका), मार्क टर्नर (संयुक्त अधिराज्य), टियागो डो भेल (पोर्चुगल), जेरेमी स्मिथ (न्यूजील्याण्ड), पाल पाङ (संयुक्त अधिराज्य), क्रिस्टिना कुओ (क्यानाडा), मिहेला प्लेस्का (रोमानिया) लगायत विज्ञ सहभागी थिए ।