काठमाडौं । प्रभु स्टील्स एण्ड हाइड्रो इन्भेष्टमेण्ट कम्पनी लिमिटेडले कुमारी क्यापिटललाई शेयर निष्कासनका लागि विक्री प्रबन्धक नियुक्त गरेको छ । ९८ करोड रुपैयाँ बराबरको आईपीओ निष्कासन गर्ने कार्य अगाडि बढाएको कम्पनीले कुमारी क्यापिटललाई विक्री प्रबन्धक नियुक्त गरेको हो ।

कम्पनीमा प्रभु ग्रुप्स एण्ड कम्पनीज् अन्तर्गतका प्रभु केबलकार एण्ड टुरिजम लिमिटेड, प्रभु होल्डिङ्स एण्ड हाइड्रो डेभलपमेन्ट कम्पनी लिमिटेड र हाइड्रो होल्डिङ्स एण्ड पावर डेभलपमेन्ट कम्पनी लिमिटेडको मुख्य लगानी रहेको बताइएको छ ।

कम्पनीले जलविद्युत्, कृषि, पर्यटन, विभिन्न उत्पादनमूलक उद्योग र साहसिक पर्यटनमा लगानी गर्दै आएको बताइएको छ । कम्पनीले हाइड्रो पावरको विभिन्न संरचनामा चाहिने मेसिन आयात गरी भण्डारण गर्ने र जलविद्युत् कम्पनीलाई सप्लाई गर्ने उद्देश्यले वीरगञ्जमा जग्गा खरीद गरेको बताइएको छ ।