काठमाडौं । सानिमा म्युचुअल फण्डअन्तर्गत सञ्चालित सानिमा ग्रोथ फण्ड, सानिमा लार्ज कयाप फण्ड र सानिमा इक्वीटी फण्डले असार मसान्तको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी तीनओटै फण्डको न्याभ जेठको तुलनामा असारमा वृद्धि भएको छ ।
सानिमा इक्वीटी फण्डको न्याभ जेठ मसान्तमा १२ रुपैयाँ ८० पैसा रहेकोमा असार मसान्तमा बढेर १३ रुपैयाँ ०९ पैसा पुगेको हो । त्यस्तै सानिमा लार्ज क्याप फण्डको न्याभ जेठ मसान्तमा ९ रुपैयाँ ५६ पैसा रहेकोमा असार मसान्तमा बढेर ९ रुपैयाँ ७८ पैसा पुगेको छ ।
त्यसैगरी, सानिमा ग्रोथ फण्डको न्याभ जेठमा १० रुपैयाँ ०९ पैसा रहेकोमा असार मसान्तमा १० रुपैयाँ २७ पैसा पुगेको हो । न्याभसँगै यस फण्डको नाफामा पनि वृद्धि भएको छ । ्फण्डले जेठ मसान्तसम्म रू. ६३ लाख ४९ हजार नाफा कमाएकोमा असार मसान्तसम्म बढेर रू. १ करोड ८२ लाख १४ हजार पुगेको छ । यस फण्डले असारमसान्तसम्म सूचीकृत शेयरमा ३२ करोड ४१ लाख रूपैयाँभन्दा बढी लगानी गरेको छ ।
सानिमा लार्ज क्याप फण्डको नाफा पनि जेठको तुलनामा असारमा वृद्धि भएको छ । फण्डले जेठ मसान्तमा रू. ७ करोड ९८ लाख नाफा कमाएकोमा असार मसान्तमा वृद्धि भएर रू. १० करोड ६३ लाख पुगेको छ । असारमा फण्डको आम्दानीमा वृद्धि भएकाले नाफा बढ्न टेवा पुगेको हो । यस फण्डले असार मसान्तसम्ममा सूचीकृत शेयरमा रू. ७५ करोड ६९ लाख लगानी गरेको छ ।
सानिमा ग्रोथ फण्डले असार मसान्तसम्ममा सूचीकृत शेयरमा रू. २८ करोड ७७ लाख लगानी गरेको छ । जेठ मसान्तमा भने फण्डले सूचीकृत शेयरमा रू. २३ करोड लगानी गरेको थियो । जेठ मसान्तसम्ममा फण्डले रू. ६३ लाख ४९ हजार नाफा कमाएकोमा असार मसान्तमा बढेर रू. १ करोड ८२ लाख पुगेको छ ।
सानिमा इक्वीटीको रिपोर्ट हेर्न यहाँ क्लिक गर्नुहोला
सानिमा लार्ज क्याप फण्डको रिपोर्ट हेर्न यहाँ क्लिक गर्नुहोला
