काठमाडौं । नेपाली बजारमा आज शुक्रबार सुनको मूल्य हालसम्मकै उच्च बिन्दुमा पुगेर कीर्तिमान कायम गरेको छ । नेपाल सुनचाँदी व्यवसायी महासंघका अनुसार सुनको मूल्य तोलामा ३  हजार नेपाली रूपैयाँले वृद्धि भएको हो ।

बिहीबार प्रतितोला १ लाख ५३ हजार तीन सय रूपैयाँमा कारोबार भएको छापावाला सुन आजका लागि १ एक लाख ५६ हजार ३०० निर्धारण भएको छ । यो हालसम्मकै उच्च बिन्दु हो । यस्तै, आज चाँदीको मूल्य प्रतितोला ६५ रूपैयाँले वृद्धि भएको छ । बिहीबार प्रतितोला  एक हजार ७९५ मा कारोबार भएको चाँदीको मूल्य आजका लागि १ हजार ८६० निर्धारण भएको छ ।