काठमाडौं । बुटवल पावर कम्पनी लिमिटेडले गत आर्थिक वर्षमा २ दशमलव ४९ प्रतिशत कम खुद नाफा गरेको छ । अघिल्लो वर्ष सो अवधिसम्म २७ करोड ४१ लाख रुपैयाँभन्दा बढी खुद नाफा गरेको कम्पनीले गत वर्ष २६ करोड ७३ लाख रुपैयाँभन्दा बढी मात्र खुद नाफा गरेको हो ।
गत वर्ष कम्पनीले अघिल्लो वर्षभन्दा ६ दशमलव ५३ प्रतिशत कम ७२ करोड ४४ लाख रुपैयाँभन्दा बढी विद्युत विक्रीबाट आम्दानी गरेको छ । विद्युत विक्री आम्दानी घटेसँगै कम्पनीको खुद नाफासमेत घट्न पुगेको हो । हाल कम्पनीको चुक्ता पूँजी ३ अर्ब ४० करोड ९० लाख ६५ हजार छ । अन्य इक्वीटी भने ३ अर्ब ५८ करोड रुपैयाँभन्दा बढी छ ।
वित्तीय आम्दानी अघिल्लो वर्ष ९ करोड ९९ लाख रुपैयाँभन्दा बढी रहेको कम्पनीको गत वर्ष १० करोड ३४ लाख रुपैयाँभन्दा बढी छ । वार्षिक प्रतिशेयर आम्दानी ७ रुपैयाँ ८४ पैसा रहेको कम्पनीको प्रतिशेयर नेटवर्थ भने २०५ रुपैयाँ १० पैसा छ ।
